"Whether you think you can or you can`t Either way you are right."

Mar 29, 2015

AmiManany-ին Shaga Blog-ում. HIDDEN SEXUALITY collection

 
  I am so happy with this AmiManany dress - it is very simple but so elegant. "HIDDEN SEXUALITY” collection perfectly suits the spirit of the year’s most feminine month.                                                                                                                                                                                               Ողջույն, այսօր ուզում եմ պատմել հայ դիզայներներից մեկի մասին: AmiManany -ի դիզայներ Արմինեի հետ ես ծանոթացա նկարահանումներից մեկի ժամանակ: Ինձ շատ դուր եկան միաժամանակ պարզ, բայց  էլեգանտ զգեստները: AmiManany -ի հավաքածուն կոչվում է "Թաքնված սեքսուալություն" և, ինչպես նրանք են ասում , լիովին համապատասխանում է  տարվա "ամենականացի " ամսվա հետ: Ի դեպ՝  կանանց միամսյակի մասին, ես շնորհավորում եմ իմ բլոգն ընթերցող բոլոր կանանց և աղջիկներին: Ես ձեզ շատ եմ սիրում: Ուզում եմ, որ միամսյակի կարիք ընդհանրապես չլինի,   որպեսզի ծաղիկներ մենք ստանանք ամենաքիչը յուրաքանչյուր հանգստյան օր , իսկ սեր-ուշադրություն ու նման լավ բաներ՝ ամեն օր: :)                                                            
 
 
 Լուսանկարները՝ Գևորգ Պերկուպերկյանի

Mar 26, 2015

Spring mood in Shaga Blog . Գարնանային տրամադրություն Shaga Blog-ում

Hi, Guys. It’s spring! With the warm Sun and lengthening days. With long walks and 100% confidence that everything’s gonna be alright!                                                                            Ողջույն!!! Վերջապես արևոտ ու տաք օրեր: Գարուն է՝ վառ գույներով, երկար զբոսանքներով ու 100% վստահությամբ, որ ամեն ինչ լավ է լինելու: )
Կոշիկները՝ Aldo                                                                                                                                 Շրջազգեստները՝ Asos                                                                                                                         Վերնաշապիկը՝  Asos                                                                                                                       Պայուսակները՝ Asos                                                                                                                         Լուսանկարները՝ Գևորգ Պերկուպերկյանի         

Feb 20, 2015

Մեկ հեռախոսազանգ

Ողջույն~~...իմ բլոգն ասես փոքրիկ(արդեն 2 տարեկան) կենդանի լինի(օրինակ արջ), որ ձմռանը քուն է մտնում, իսկ գարնան շունչն զգալուն պես արթնանում: Սկսենք նրանից, որ ցուրտ է և, անգամ, հանուն իմ սիրելի բլոգի, ես պատրաստ չեմ կանգնել -....ջերմաստիճանի պայմաններում և լուսանկարվել: Միակ բանը,  որ ես մտածում եմ ցուրտ ժամանակ' ինչպես մի  տաք վայրից մյուսը հասնել:
 Բայց, այս տարի, ինձ "քնից արթնացրեց" ոչ թե արևն ու տաք եղանակը,  այլ մի հեռախոսազանգ:
Գոյություն ունի ընկերություն, որի հետ ես շատ էի ուզում աշխատել, դա բլոգերների հետ աշխատող ամենամեծ միջազգային ընկերություններից է և բլոգը բացելու առաջին  օրից ես նրանց նամակ էի գրում:  Ես այնքան հաճախ էի գրում, որ, անգամ, կասկածում էի, որ դրանք տեղ են հասնում, որովհետև միայն այն պատճառով, որ այլևս իրենց չձանձրացնեմ, նրանք պետք է  պատասխանեին ինձ: 
Բայց...իմ նամակներն անպատասխան էին մնում ...Ի վերջո ես դադարեցի գրել: Դա չի նշանակում "հույսը կորցնել", ես, ընդհանրապես, երբեք հույսս չեմ կորցնում: Ես դադարեցի գրել, բայց գիտեի, որ մի օր, մի շատ լավ օր, թեկուզ երկու տարի անց, ինձ անպայման պատասխանելու են:))) 
Եվ այո՛, ինձ զանգահարեցին: Չեմ կարող նկարագրել իմ ուրախությունը:
Ես հերթական անգամ համոզվեցի , երբ ինչ որ բան իսկապես շատ ես ուզում, երբ ցանկությունդ բարի է, այն անպայման իրականանում է: 
Իսկ ընկերության հետ իմ համագործակցության մասին կպատմեմ հաջորդ post-ում:))
Իմ շատ սիրելի ընթերցողներ, Asos-ն առաջարկում է գարնանային շատ ոճային հավաքածու ))

                                                Ջինսն ու բլուզը՝  Asos

Dec 1, 2014

Հիմա լավագույն ժամանակն է

Աշունն ավարտվեց: Այս աշուն ես ավելի շատ նայում էի ժամացույցիս, քան շուրջս,ավելի շատ մտածում էի հասցնեմ, կհասցնեմ, պիտի հասցնեմ, քան հիանում էի  բազմագույն տերևներով, աշնանային Երևանով...
Փոխարենը, ես մի քանի շատ կարևոր բան հասկացա.
1. Երբեմն մենք ուղղակի հայտնվում ենք ճիշտ ժամանակին, ճիշտ տեղում և միակ բանը, որ  այդ դեպքում պետք է անել՝ շնորհակալ լինել այդ հնարավորության համար և օգտվել դրանից, առանց բարդացնելու, առանց անհանգստանալու;
2 Երբեմն մենք սխալվում ենք ու դա նորմալ է: Ավելին՝ մենք պետք է մեզ սխալվելու իրավունք տանք ու անընդհատ սխալները հիշելու ու ինքներս մեզ մեղադրելու փոխարեն, ավելի ուժեղ դառնանք ու առաջ շարժվենք: Մի տեսակ մոտիվացնող հոդվածների նման ստացվեց, բայց, իրոք առանց սխալների կյանքը ձանձրալի կլիներ և առաջընթացի համար մոտիվացիա չէր լինի:
3 Պետք է ծամոթանալ նոր մարդկանց հետ  և  սիրել մարդկանց: Սա թերևս, ամենակարևորն է, որ ես այս աշուն սովորեցի՝ կենտրոնանալ մարդկանց դրական հատկանիշների վրա, նկատել դրանք, սիրել դրանք: Ու ստացվում է, որ վատ մարդիկ չկան, համենայնդեպս իմ շուրջը չկան, որովհետև ես չես ուզում, որ լինեն:  Ամեն ինչ կախված է մեզանից, նրանից, թե ինչ ընտրություն ենք անում:
4 Ես սովորեցի քիչ թե շատ ճիշտ տնօրինել ժամանակս: Սա ամենադժվար բանն է ու  թվում է՝ կարևոր չէ այդքան (համենայնդեպս ինձ միշտ այդպես է թվացել), բայց իրականում շատ բաներ հենց դրանից է կախված: Ես փորձում եմ գրել օրվա պլաններս, ուր եմ գնալու, ում եմ տեսնելու, իմ ընկերներից մեկն անգամ, կարողանում է միշտ նույն ժամին քնել ու արթնանալ, այսինքն ժամանակն ամբողջությամբ ենթարկում է իրեն: Ես դեռ դա չեմ կարողանում, բայց ամեն ինչ անում եմ , որ ես լինեմ իմ ժամանակի տերը:
5 Եվ վերջապես ես սովորեցի սկսածս գործերն ավարտին հասցնել: Ես միշտ ոգևորված սկսում էի,  հետո ձանձրանում, թողնում մի կողմ  և հետո ոգևորվելու ուրիշ առիթներ գտնում: Ես սկսեցի գրքերից, որոնք կիսատ էի թողել և ավարտեցի դրանք, հետո անցա ծրագրերին, որոնք վաղուց ուզում էի իրականացնել: Սովորեցի ոչ մի բան չթողնել վաղվան, չհետաձգել, հիմա լավագույն ժամանակն է :))
Ամբողջ look-ը` ASOS
Գլխարկը՝ ParaChikas


Nov 11, 2014

Շնորհավոր !!

 Անկախ նրանից ինչով ենք զբաղվում, ինչ հաջողություններ ունենք, ամենակարևորը կյանքում մարդիկ են, ովքեր մեզ շրջապատում են: Մեծ հաշվով մեր օրը, մեր տրամադրությունը պայմանավորված է օրվա ընթացքում մեզ հանդիպած մարդկանցով ու  ամենամտերիմների շրջանում պետք է  թողնել միայն դրական, անկեղծ,  բարի մարդկանց:
 Ես ուրախ եմ, որ իմ կյանում կան այդպիսի  մարդիկ ու այսօր նրանցից մեկի համար կարևոր օր է:
  Ես անչափ երջանիկ եմ, որ իմ օրվա մեծ մասն անցում է մարդու հետ, ով անսահման  դրական է, ում հետ  հետաքրքիր է, կարող ենք անդադար խոսել ու չձանձրանալ, միասին միայն մեզ հասկանալի ու կարևոր ծրագրեր մտածել, ու ոչ միայն մտածել, նաև իրականացնել, կարող ենք  անընդհատ ծիծաղել, հաճախ անգամ առանց պատճառ, ուղղակի որովհետև լավ տրամադրություն ունենք, երիտասարդ ենք, ուրախ ենք,  ուղղակի սիրում ենք կյանքն ու ամեն ինչ, ինչ մեզ շրջապատում է:  Հարկ եղած դեպքում կարող ենք նաև լաց լինել,միասին դա այնքան էլ ողբերգական չի լինում:
Ես ուզում եմ իմ ամբողջ ջերմությունը դնել այս գրառման մեջ, ես վաղուց այսքան անկեծ post չեմ արել:
Իմ բարձրահասակ, շիկահեր , անչափ գեղեցիկ Լուսինե, շնորհավորում եմ: Ես ուզում եմ որ դու երջանիկ լինես, միշտ այնպես անհոգ ու անկեղծ ժպտաս,  ինչպես այս լուսանկարներում ես:
Շրջազգեստը՝ ASOS
Վերարկուն՝ ASOS

Nov 3, 2014

Հեքիաթ և նորաձևություն

Դեռ նախորդ տարի, երբ տեսա D&G-ի աշուն-ձմեռ ցուցադրությունը, միանգամից տպավորվեցին աբադոկով ու մեծ ականջօղերով քայլող մոդելները: Ճիշտն է, համացանցում կարծիքներ կարդացի, որ զարդերը ''too much'' էին.կամ աբադոկը պետք է լիներ, կամ ականջօղը , բայց ես համաձայն չէի. ցուցադրությունը վերածվել էր հեքիաթի, տպավորություն էր,  թե հայտնվել ես հեքիաթային թագավորությունում և մոդելները թագավորությունում ապրող կանայք են' մեծ, շքեղ զարդերով: Ականջօղի և աբադոկի համադրությունը նույնիսկ հասարակ հագուստին արքայական շքեղություն էր հաղորդում , ես իրոք հիացած էի...ու չեմ կարող նկարագրել ուրախությունս, երբ մի քանի օր առաջ Para Chikas ընկերության, ինձ ուղարկած փաթեթում, գտա այս աբադոկն ու ականջօղը:
Para Chikas-ի աքսեսուարներին իմ բլոգին հետևողներն արդեն ծանոթ են իմ նախորդ գրառումներից' այստեղ և այստեղ ու ես ուրախ եմ, որ նրանց հետ իմ համագործակցությունը շարունակվում է:
 Ուզում եմ բոլորիս կյանքում հեքիաթը միշտ առկա լինի, մեր էության ինչ որ մի մասով միշտ ապրենք հեքիաթում ու այո', ինչպես հեքիաթներում, մեր կյանքում էլ դրականը,  բարին միշտ հաղթող լինեն:

 Զարդերը կարող եք պատվիրել գրելով ինչպես Para Chikas,  այնպես էլ Shaga Blog ֆեյսբուքյան էջերին, ի դեպ բլոգի էջով պատվիրելու դեպքում կունենաք  10% զեղչ:

Աբադոկն ու ականջօղերը ParaChikas 
Վերնաշապիկը՝ ASOS

Oct 19, 2014

Նոր միտք

Ողջույն, մի քանի օր առաջ  հեռուստաընկերություններից մեկի առավոտյան ծրագրի համար հաղորդում էինք նկարում, որի թեման աշնանային նորաձևությունն էր: Ընտրում էինք յուրաքանչյուր կառուցվածքին համապատասխան  աշնանը նորաձև տաբատներ: Հաղորդմանը պատրաստվելու ընթացքում ես այնքան ուսումնասիրեցի, այնքան բան իմացա մարդկանց կառուցվածքների տիպերի և յուրաքանչյուր կառուցվածքի համար իդելական հագուստի մասին , որ եթե որևէ կասկած ունեք ձեզ համար հագուստ ընտրելիս գրեք ինձ  Shaga Blog-ի էջին ես հաճույքով կօգնեմ ձեզ: Իմ նոր գիտելիքներն ինձ էլ օգտակար եղան՝ ես համոզված էի, որ այս սեզոն  նորաձև բարձր գոտկատեղով տաբատներն ինձ համար չեն, բայց պարզվեց հակառակը: Իմ կառուցվածքի դեպքում, ես կարող եմ հանգիստ կրել դրանք:
Ընդհանրապես ճիշտ համադրության,չափսերի, որոշակի համամասնություններ պահելու դեպքում յուրաքանչյուր մարդ կարող է կրել յուրաքանչյուր հագուստ:
Գիտեք, մտածեցի, ոչ միայն եթերում նմանատիպ հաղորդում վարեմ, այլև բլոգում, այդպիսի էջ բացեմ, որտեղ կլինեն միայն գործնական, օգտակար խորհուրդներ, կառանձնացնենք կառուցվածքի տիպերը, կընտրեք հագուստներ, գույներ, աքսեսուարներ և այլն:
Բլոգի արդեն երկու տարիների ընթացքում, ինձ ոչ հաճախ, բայց դիմել են աղջիկներ, ովքեր ինչ որ օգնության, խորհուրդի կարիք ունեին, մենք շատ երկար խոսել ենք, քննարկել ու ինձ միշտ ուրախացրել է փաստը, որ կարող եմ ինչ որ կերպ օգտակար լինել նրանց: Իսկ այս էջը հենց այդ նպատակը կունենա:Ես շատ եմ ուզում  տեսնել միայն  գեղեցիկ, ինքնավստահ, արդյունքում նաև երջանիկ աղջիկների իմ շուրջը և ոչ միայն՝ ընդհանրապես ամենուր : 
Ամբողջ կերպարը ու էլի շատ հետաքրքիր look- եր կարող եք գնել ASOS-ում:

Լուսանկարիչ՝ Մարի Աբելյան


Related Posts Plugin for WordPress, Blogger...